गर्व सँ बाजू मैथिल छी ।।

मिथिला मे जे जन्म लेलहुँ.सौभाग्य अपन अछि मैथिल छी ।
                    गर्व सँ बाजू मैथिल छी ।।                                     
जाति धर्म केर बात ने कोनो  मिथिलावासी मैथिल छी ।
                    गर्व सँ बाजू मैथिल छी ।।

 मिथिला केर हर धिया सिया.नारी अहिल्या.भारती सन ।
     जनक.कपिल.गौतम. अयाची.विद्यापति.सल्हेश.मंडन ।।
       एहन पुरुष गुणवान मैथिलजन बालक शंकर मैथिल छी ।।
  गर्व सँ बाजू मैथिल छी ।।

     निश्छल हृदय.मंजुल वाणी.सद् विचार.संस्कार मनुजता ।
     पाग दुपट्टा धोती कुर्ता देखि विदेशी कर ए सेहन्ता ।।
     साडी मे नारी केर शोभा अति मनभावन मैथिल छी ।। 
                        गर्व सँ बाजू मैथिल छी ।।

     जग केँ ग्यानक ज्योति देखाओल.प्रीति.नीति.व्यवहार सिखाओल ।

मैथिलजन निज ग्यान कर्म सँ देश विदेश मे मान बढाओल ।।

विविध विधा विग्यान कला मे सभ सँ आगाँ मैथिल छी ।।  
गर्व सँ बाजू मैथिल छी ।।

निज संस्कृति थिक सभ सँ उत्तम किएक आन केर करब नकल ।
उच्च भाव राखू निज मन मे स्वाभिमान कें करु सबल ।।
 करु गगन उद्घोष जोर सँ जय मिथिला जय मैथिल छी ।।
                                गर्व सँ बाजू मैथिल छी ।।


                                                                                                       रचनाकार:-   अरविन्द "गगन"     

     माधोपुर शीशो   दरभंगा :- 846005.      
मो0 नं0 09709674351.